arz-e-alam ba-tarz-e-tamasha bhi chahiye
arz-e-alam ba-tarz-e-tamāshā bhī chāhiye
duniyā ko haal hī nahīñ huliya bhī chāhiye
ai dil kisī bhī tarah mujhe dastiyāb kar
jitnā bhī chāhiye use jaisā bhī chāhiye
dukh aisā chāhiye ki musalsal rahe mujhe
aur us ke saath saath anokhā bhī chāhiye
ik zaḳhm mujh ko chāhiye mere mizāj kā
ya.anī harā bhī chāhiye gahrā bhī chāhiye
ik aisā vasf chāhiye jo sirf mujh meñ ho
aur us meñ phir mujhe yad-e-tūlā bhī chāhiye
rabb-e-suḳhan mujhe tirī yaktā.ī kī qasam
ab koī sun ke bolne vaalā bhī chāhiye
kyā hai jo ho gayā huuñ maiñ thoḌā bahut ḳharāb
thoḌā bahut ḳharāb to honā bhī chāhiye
hañsne ko sirf hoñT hī kaafī nahīñ rahe
'javvād-shaiḳh' ab to kaleja bhī chāhiye
arz-e-alam ba-tarz-e-tamasha bhi chahiye
duniya ko haal hi nahin huliya bhi chahiye
ai dil kisi bhi tarah mujhe dastiyab kar
jitna bhi chahiye use jaisa bhi chahiye
dukh aisa chahiye ki musalsal rahe mujhe
aur us ke sath sath anokha bhi chahiye
ek zaKHm mujh ko chahiye mere mizaj ka
yani hara bhi chahiye gahra bhi chahiye
ek aisa wasf chahiye jo sirf mujh mein ho
aur us mein phir mujhe yad-e-tula bhi chahiye
rabb-e-suKHan mujhe teri yaktai ki qasam
ab koi sun ke bolne wala bhi chahiye
kya hai jo ho gaya hun main thoDa bahut KHarab
thoDa bahut KHarab to hona bhi chahiye
hansne ko sirf honT hi kafi nahin rahe
'jawwad-shaiKH' ab to kaleja bhi chahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
