arz-e-naz-e-shoKHi-e-dandan barae-KHanda hai

arz-e-nāz-e-shoḳhi-e-dandāñ barā.e-ḳhanda hai

dāvā-e-jam'iyyat-e-ahbāb jā-e-ḳhanda hai

hai adam meñ ġhuncha mahv-e-ibrat-e-anjām-e-gul

yak-jahāñ zaanū ta.ammul dar-qafā-e-ḳhanda hai

kulfat-e-afsurdagī ko aish-e-betābī harām

varna dandāñ dar dil afshurdan binā-e-ḳhanda hai

shorish-e-bātin ke haiñ ahbāb munkir varna yaañ

dil muhīt-e-girya o lab āshnā-e-ḳhanda hai

ḳhud-faroshī-hā-e-hastī bas-ki jā-e-ḳhanda hai

har shikast-e-qīmat-e-dil meñ sadā-e-ḳhanda hai

naqsh-e-ibrat dar nazar yā naqd-e-ishrat dar bisāt

do-jahāñ vus'at ba-qadr-e-yak-fa.zā-e-ḳhanda hai

jā-e-istihzā hai ishrat-koshi-e-hastī 'asad'

sub.h o shabnam fursat-e-nashv-o-numā-e-ḳhanda hai

arz-e-naz-e-shoKHi-e-dandan barae-KHanda hai

dawa-e-jam'iyyat-e-ahbab ja-e-KHanda hai

hai adam mein ghuncha mahw-e-ibrat-e-anjam-e-gul

yak-jahan zanu tammul dar-qafa-e-KHanda hai

kulfat-e-afsurdagi ko aish-e-betabi haram

warna dandan dar dil afshurdan bina-e-KHanda hai

shorish-e-baatin ke hain ahbab munkir warna yan

dil muhit-e-girya o lab aashna-e-KHanda hai

KHud-faroshi-ha-e-hasti bas-ki ja-e-KHanda hai

har shikast-e-qimat-e-dil mein sada-e-KHanda hai

naqsh-e-ibrat dar nazar ya naqd-e-ishrat dar bisat

do-jahan wus'at ba-qadr-e-yak-faza-e-KHanda hai

ja-e-istihza hai ishrat-koshi-e-hasti 'asad'

subh o shabnam fursat-e-nashw-o-numa-e-KHanda hai