asar kare na kare sun to le meri fariyaad
Interesting Fact
Baal-e-Gibril
asar kare na kare sun to le mirī fariyād
nahīñ hai daad kā tālib ye banda-e-āzād
ye musht-e-ḳhāk ye sarsar ye vus.at-e-aflāk
karam hai yā ki sitam terī lazzat-e-ījād
Thahar sakā na havā-e-chaman meñ ḳhema-e-gul
yahī hai fasl-e-bahārī yahī hai bād-e-murād
qusūr-vār ġharīb-ud-dayār huuñ lekin
tirā ḳharāba farishte na kar sake ābād
mirī jafā-talabī ko duā.eñ detā hai
vo dasht-e-sāda vo terā jahān-e-be-buniyād
ḳhatar-pasand tabī.at ko sāzgār nahīñ
vo gulsitāñ ki jahāñ ghaat meñ na ho sayyād
maqām-e-shauq tire qudsiyoñ ke bas kā nahīñ
unhīñ kā kaam hai ye jin ke hausle haiñ ziyād
asar kare na kare sun to le meri fariyaad
nahin hai dad ka talib ye banda-e-azad
ye musht-e-KHak ye sarsar ye wusat-e-aflak
karam hai ya ki sitam teri lazzat-e-ijad
Thahar saka na hawa-e-chaman mein KHema-e-gul
yahi hai fasl-e-bahaari yahi hai baad-e-murad
qusur-war gharib-ud-dayar hun lekin
tera KHaraba farishte na kar sake aabaad
meri jafa-talabi ko duaen deta hai
wo dasht-e-sada wo tera jahan-e-be-buniyaad
KHatar-pasand tabiat ko sazgar nahin
wo gulsitan ki jahan ghat mein na ho sayyaad
maqam-e-shauq tere qudsiyon ke bas ka nahin
unhin ka kaam hai ye jin ke hausle hain ziyaad
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
