ashk aankhon mein kyon be-karan aa gae

ashk āñkhoñ meñ kyoñ be-karāñ aa ga.e

kyā tumheñ yaad ham jān-e-jāñ aa ga.e

ye qafas hai hamārā nasheman nahīñ

ham chaman se nikal kar kahāñ aa ga.e

dostoñ kī tamanna meñ nikle the ham

dushmanoñ ke magar darmiyāñ aa ga.e

ham ko piine pilāne kī 'ādat nahīñ

ham to bas yūñhī pīr-e-muġhāñ aa ga.e

ham ko duniyā kī ḳhvāhish nahīñ thī magar

terī bātoñ meñ ham āsmāñ aa ga.e

ashk aankhon mein kyon be-karan aa gae

kya tumhein yaad hum jaan-e-jaan aa gae

ye qafas hai hamara nasheman nahin

hum chaman se nikal kar kahan aa gae

doston ki tamanna mein nikle the hum

dushmanon ke magar darmiyan aa gae

hum ko pine pilane ki 'adat nahin

hum to bas yunhi pir-e-mughan aa gae

hum ko duniya ki KHwahish nahin thi magar

teri baaton mein hum aasman aa gae