ashk apna ki tumhaara nahin dekha jata
ashk apnā ki tumhārā nahīñ dekhā jaatā
abr kī zad meñ sitārā nahīñ dekhā jaatā
apnī shah-e-rag kā lahū tan meñ ravāñ hai jab tak
zer-e-ḳhanjar koī pyārā nahīñ dekhā jaatā
mauj-dar-mauj ulajhne kī havas be-ma.anī
Dūbtā ho to sahārā nahīñ dekhā jaatā
tere chehre kī kashish thī ki palaT kar dekhā
varna sūraj to dobāra nahīñ dekhā jaatā
aag kī zid pe na jā phir se bhaḌak saktī hai
raakh kī tah meñ sharāra nahīñ dekhā jaatā
zaḳhm āñkhoñ ke bhī sahte the kabhī dil vaale
ab to abrū kā ishārā nahīñ dekhā jaatā
kyā qayāmat hai ki dil jis kā nagar hai 'mohsin'
dil pe us kā bhī ijāra nahīñ dekhā jaatā
ashk apna ki tumhaara nahin dekha jata
abr ki zad mein sitara nahin dekha jata
apni shah-e-rag ka lahu tan mein rawan hai jab tak
zer-e-KHanjar koi pyara nahin dekha jata
mauj-dar-mauj ulajhne ki hawas be-mani
Dubta ho to sahaara nahin dekha jata
tere chehre ki kashish thi ki palaT kar dekha
warna suraj to dobara nahin dekha jata
aag ki zid pe na ja phir se bhaDak sakti hai
rakh ki tah mein sharara nahin dekha jata
zaKHm aankhon ke bhi sahte the kabhi dil wale
ab to abru ka ishaara nahin dekha jata
kya qayamat hai ki dil jis ka nagar hai 'mohsin'
dil pe us ka bhi ijara nahin dekha jata
- Book : Pakistani Adab (Pg. 663)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
