ashk baqi koi ab dida-e-giryan mein nahin

ashk baaqī koī ab dīda-e-giryāñ meñ nahīñ

phir bhī to koī kamī sozish-e-pinhāñ meñ nahīñ

aarzū mujh ko kisī shāhid-e-gul kī kyā ḳhuub

merī qismat ke to kāñTe bhī gulistāñ meñ nahīñ

fasl-e-gul aa.ī to kyā haif pa.e nazr-e-bahār

ab to ik taar bhī baaqī mire dāmāñ meñ nahīñ

zauq-e-nazzāra pe hai azmat-e-jalva mauqūf

dilkashī varna koī jalva-e-jānāñ meñ nahīñ

sāhab-e-ilm-o-fan-o-fikr-o-nazar hai 'at.har'

rabt-e-bāham magar is daur ke insāñ meñ nahīñ

ashk baqi koi ab dida-e-giryan mein nahin

phir bhi to koi kami sozish-e-pinhan mein nahin

aarzu mujh ko kisi shahid-e-gul ki kya KHub

meri qismat ke to kanTe bhi gulistan mein nahin

fasl-e-gul aai to kya haif pae nazr-e-bahaar

ab to ek tar bhi baqi mere daman mein nahin

zauq-e-nazzara pe hai azmat-e-jalwa mauquf

dilkashi warna koi jalwa-e-jaanan mein nahin

sahab-e-ilm-o-fan-o-fikr-o-nazar hai 'athar'

rabt-e-baham magar is daur ke insan mein nahin