ashk bahao aah bharo fariyaad karo

ashk bahāo aah bharo fariyād karo

kuchh to qafas meñ shikva-e-istibdād karo

har-sū marg-āsār ḳhamoshī chhā.ī hai

dard ke maaro shorish-e-hashr ījād karo

sahrā sahrā ḳhaak uḌāne se hāsil

qarya qarya qasr-e-sitam barbād karo

arz-e-tamannā par ab qadġhan kyā ma.anī

apne va.ade apnī qasmeñ yaad karo

aao āvāra-o-gurezāñ ummīdo

ghar kī vīrānī ko phir ābād karo

shauq-e-talab hī avval-o-āḳhir manzil hai

qais bano yā pairvī-e-farhād karo

auroñ ko tarġhīb-e-tarab dene vaalo

ham aise durveshoñ ko bhī shaad karo

ashk bahao aah bharo fariyaad karo

kuchh to qafas mein shikwa-e-istibdad karo

har-su marg-asar KHamoshi chhai hai

dard ke maro shorish-e-hashr ijad karo

sahra sahra KHak uDane se hasil

qarya qarya qasr-e-sitam barbaad karo

arz-e-tamanna par ab qadghan kya mani

apne wade apni qasmen yaad karo

aao aawara-o-gurezan ummido

ghar ki virani ko phir aabaad karo

shauq-e-talab hi awwal-o-aKHir manzil hai

qais bano ya pairwi-e-farhad karo

auron ko targhib-e-tarab dene walo

hum aise durweshon ko bhi shad karo