ashk-e-gham uqda-kusha-e-KHalish-e-jaan nikla

ashk-e-ġham uqda-kushā-e-ḳhalish-e-jāñ niklā

jis ko dushvār maiñ samjhā thā vo āsāñ niklā

kis qadar dast-e-junūñ be-sar-o-sāmāñ niklā

tujh maiñ ik taar na ai chāk-girebāñ niklā

uf vo taqdīr jo tadbīr kī pāband rahī

haif vo dard jo minnat-kash-e-darmāñ niklā

ḳhaak ho kar bhī rahā jalva-tarāzī kā dimāġh

merā har zarra-e-dil tūr-badāmāñ niklā

al-amāñ vo ḳhalish-e-jāñ jo miTā.e na miTī

haa.e vo dam jo ba-sad-kāvish-e-pinhāñ niklā

ashk-e-gham uqda-kusha-e-KHalish-e-jaan nikla

jis ko dushwar main samjha tha wo aasan nikla

kis qadar dast-e-junun be-sar-o-saman nikla

tujh main ek tar na ai chaak-gireban nikla

uf wo taqdir jo tadbir ki paband rahi

haif wo dard jo minnat-kash-e-darman nikla

KHak ho kar bhi raha jalwa-taraazi ka dimagh

mera har zarra-e-dil tur-badaman nikla

al-aman wo KHalish-e-jaan jo miTae na miTi

hae wo dam jo ba-sad-kawish-e-pinhan nikla