ashk pite rahe har jam pe hanste hanste

ashk piite rahe har jaam pe hañste hañste

ro liye ḳhuub tire naam pe hañste hañste

is tarah chalte raheñ rāh-e-mohabbat meñ sadā

Thokareñ khā.eñ har ik gaam pe hañste hañste

kyuuñ ḳhatā ho ga.ī dānista tire kūche meñ

kyuuñ nazar pahuñchī tire baam pe hañste hañste

ishq meñ jazba-e-āshiq bhī ajab hotā hai

jaan detā hai tire naam pe hañste hañste

uljhaneñ apnī musībat kī baḌhā letī hai

zindagī gardish-e-ayyām pe hañste hañste

kaash hote to dikhāte unheñ aahoñ kā asar

so ga.e jo dil-e-nākām pe hañste hañste

ai 'ziyā' jaao sitāroñ meñ sahar ko DhūñDo

raat hone lagī ab shaam pe hañste hañste

ashk pite rahe har jam pe hanste hanste

ro liye KHub tere nam pe hanste hanste

is tarah chalte rahen rah-e-mohabbat mein sada

Thokaren khaen har ek gam pe hanste hanste

kyun KHata ho gai danista tere kuche mein

kyun nazar pahunchi tere baam pe hanste hanste

ishq mein jazba-e-ashiq bhi ajab hota hai

jaan deta hai tere nam pe hanste hanste

uljhanen apni musibat ki baDha leti hai

zindagi gardish-e-ayyam pe hanste hanste

kash hote to dikhate unhen aahon ka asar

so gae jo dil-e-nakaam pe hanste hanste

ai 'ziya' jao sitaron mein sahar ko DhunDo

raat hone lagi ab sham pe hanste hanste