ashkon se apni aankhen bhigota raha ghazal

ashkoñ se apnī āñkheñ bhigotā rahā ġhazāl

baiThā nadī ke tiir pe rotā rahā ġhazāl

afsos ye hai us ko ġhazāla na mil sakī

ḳhud ko ġhamoñ meñ ḳhuub Dubotā rahā ġhazāl

sahrā-navardiyoñ use raas aa.ī is qadar

shānoñ pe ḳhāk-e-ishq bhī Dhotā rahā ġhazāl

vahshat kā ehtirām junūñ meñ kiyā ba-chashm

maazī ke ḳhaar dil meñ chubhotā rahā ġhazāl

ranj-o-surūr-o-kaif javānī ke chaar din

kyā kyā tumhāre 'ishq meñ khotā rahā ġhazāl

āñkhoñ meñ laal Dore se paḌte chale ga.e

aañsū ye kis hunar se pirotā rahā ġhazāl

sāhil tamām roz ġhamoñ ke 'azāb meñ

be-ḳhauf jism-o-jān se hotā rahā ġhazāl

ashkon se apni aankhen bhigota raha ghazal

baiTha nadi ke tir pe rota raha ghazal

afsos ye hai us ko ghazala na mil saki

KHud ko ghamon mein KHub Dubota raha ghazal

sahra-nawardiyon use ras aai is qadar

shanon pe KHak-e-ishq bhi Dhota raha ghazal

wahshat ka ehtiram junun mein kiya ba-chashm

mazi ke KHar dil mein chubhota raha ghazal

ranj-o-surur-o-kaif jawani ke chaar din

kya kya tumhaare 'ishq mein khota raha ghazal

aankhon mein lal Dore se paDte chale gae

aansu ye kis hunar se pirota raha ghazal

sahil tamam roz ghamon ke 'azab mein

be-KHauf jism-o-jaan se hota raha ghazal