asir-e-jism hun darwaza toD Dale koi

asīr-e-jism huuñ darvāza toḌ Daale koī

girā paḌā huuñ kuñ.eñ meñ mujhe nikāle koī

maiñ apne aap meñ utrā khaḌā huuñ sadiyoñ se

qarīb aa ke mire merī thaah pā le koī

maiñ jañgaloñ meñ darindoñ ke saath rahtā rahā

ye ḳhauf hai ki ab insāñ na aa ke khā le koī

shikasta kashtī ke taḳhte pe so rahā huuñ maiñ

thapeḌā maujoñ kā aa kar mujhe jagā le koī

dahān-e-zaḳhm talak khiñch ke aa chukā hai ab

maiñ muntazir huuñ ye zahrāb chuus Daale koī

zamīn pyāsī hai tan meñ lahū nahīñ baaqī

hamārā bojh bahut kam hai ab uThā le koī

yaqīñ nahīñ hai kisī ko mire bikharne kā

kasīf zehnoñ ke kar jaa.e saaf jaale koī

asir-e-jism hun darwaza toD Dale koi

gira paDa hun kunen mein mujhe nikale koi

main apne aap mein utra khaDa hun sadiyon se

qarib aa ke mere meri thah pa le koi

main jangalon mein darindon ke sath rahta raha

ye KHauf hai ki ab insan na aa ke kha le koi

shikasta kashti ke taKHte pe so raha hun main

thapeDa maujon ka aa kar mujhe jaga le koi

dahan-e-zaKHm talak khinch ke aa chuka hai ab

main muntazir hun ye zahrab chus Dale koi

zamin pyasi hai tan mein lahu nahin baqi

hamara bojh bahut kam hai ab uTha le koi

yaqin nahin hai kisi ko mere bikharne ka

kasif zehnon ke kar jae saf jale koi