asr-e-hazir ka jo insan nazar aata hai
asr-e-hāzir kā jo insān nazar aatā hai
bas pareshān pareshān nazar aatā hai
nafrat-o-buġhz kī masmūm havā aisī chalī
kūcha-e-jānāñ bhī vīrān nazar aatā hai
mirī hastī kī imārat bhī girā saktā hai
us kī āñkhoñ meñ jo tūfān nazar aatā hai
zinda insān bhī jalte haiñ chitāoñ meñ jahāñ
mulk ye aisā hī shamshān nazar aatā hai
hādisa kaisā ye guzrā hai ki har sū mujh ko
karb-o-āzār kā tūfān nazar aatā hai
is qadar baḌh ga.ī saffākī-e-insāñ 'ahsan'
jis ko dekho vahī haivān nazar aatā hai
asr-e-hazir ka jo insan nazar aata hai
bas pareshan pareshan nazar aata hai
nafrat-o-bughz ki masmum hawa aisi chali
kucha-e-jaanan bhi viran nazar aata hai
meri hasti ki imarat bhi gira sakta hai
us ki aankhon mein jo tufan nazar aata hai
zinda insan bhi jalte hain chitaon mein jahan
mulk ye aisa hi shamshan nazar aata hai
hadisa kaisa ye guzra hai ki har su mujh ko
karb-o-azar ka tufan nazar aata hai
is qadar baDh gai saffaki-e-insan 'ahsan'
jis ko dekho wahi haiwan nazar aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
