aur ab ye kahta hun ye jurm to rawa rakhta

aur ab ye kahtā huuñ ye jurm to ravā rakhtā

maiñ umr apne liye bhī to kuchh bachā rakhtā

ḳhayāl-sub.hoñ kiran-sāhiloñ kī oT sadā

maiñ motiyoñ jaḌī bansī kī lai jagā rakhtā

jab āsmāñ pe ḳhudāoñ ke lafz Takrāte

maiñ apnī soch kī be-harf lau jalā rakhtā

havā ke sāyoñ meñ hijr aur hijratoñ ke vo ḳhvāb

maiñ apne dil meñ vo sab manzileñ sajā rakhtā

inhīñ hadoñ tak ubhartī ye lahar jis meñ huuñ maiñ

agar maiñ sab ye samundar bhī vaqt kā rakhtā

palaT paḌā huuñ shuāoñ ke chīthḌe oḌhe

nasheb-e-zīna-e-ayyām par asā rakhtā

ye kaun hai jo mirī zindagī meñ aa aa kar

hai mujh meñ kho.e mire jī ko DhūñDtā rakhtā

ġhamoñ ke sabz tabassum se kunj mahke haiñ

samay ke sam ke samar haiñ maiñ aur kyā rakhtā

kisī ḳhayāl meñ huuñ yā kisī ḳhalā meñ huuñ

kahāñ huuñ koī jahāñ to mirā patā rakhtā

jo shikva ab hai yahī ibtidā meñ thā 'amjad'

karīm thā mirī koshish meñ intihā rakhtā

aur ab ye kahta hun ye jurm to rawa rakhta

main umr apne liye bhi to kuchh bacha rakhta

KHayal-subhon kiran-sahilon ki oT sada

main motiyon jaDi bansi ki lai jaga rakhta

jab aasman pe KHudaon ke lafz Takraate

main apni soch ki be-harf lau jala rakhta

hawa ke sayon mein hijr aur hijraton ke wo KHwab

main apne dil mein wo sab manzilen saja rakhta

inhin hadon tak ubharti ye lahar jis mein hun main

agar main sab ye samundar bhi waqt ka rakhta

palaT paDa hun shuaon ke chithDe oDhe

nasheb-e-zina-e-ayyam par asa rakhta

ye kaun hai jo meri zindagi mein aa aa kar

hai mujh mein khoe mere ji ko DhunDta rakhta

ghamon ke sabz tabassum se kunj mahke hain

samay ke sam ke samar hain main aur kya rakhta

kisi KHayal mein hun ya kisi KHala mein hun

kahan hun koi jahan to mera pata rakhta

jo shikwa ab hai yahi ibtida mein tha 'amjad'

karim tha meri koshish mein intiha rakhta