aur abhi wo baat nahin thi

aur abhī vo baat nahīñ thī

puure chāñd kī raat nahīñ thī

faisla ab āsān huā hai

shāmil merī zaat nahīñ thī

jiit ke bhī maiñ haar ga.ī huuñ

us kī maat bhī maat nahīñ thī

andar bhī ik habs kā mausam

bāhar bhī barsāt nahīñ thī

kyuuñ paalā ye dukh 'raḳhshanda'

dil kī jab auqāt nahīñ thī

aur abhi wo baat nahin thi

pure chand ki raat nahin thi

faisla ab aasan hua hai

shamil meri zat nahin thi

jit ke bhi main haar gai hun

us ki mat bhi mat nahin thi

andar bhi ek habs ka mausam

bahar bhi barsat nahin thi

kyun pala ye dukh 'raKHshanda'

dil ki jab auqat nahin thi