aur ant mein judai baDi karb-nak hai

aur ant meñ judā.ī baḌī karb-nāk hai

tujh mujh meñ yuuñ to roz-e-azal se vifāq hai

nīche kahīñ badan meñ miTī ḳhvāhishoñ ke ḳhvāb

uupar darāzī-e-ġham-e-daurāñ kī ḳhaak hai

sakhiyāñ sajīlī bhor nayan darpnā kī or

ānand por por ajab inhimāk hai

qiloñ ke ye hisār nahīñ qurbatoñ ke dayār

in burjiyoñ ke paar havā-e-firāq hai

nyāre piyā ke ruup kahīñ gun kahīñ sarūp

mathurā kā bādshāh kahīñ bhaiñsoñ kā chaak hai

ye rājdhāniyāñ yahāñ be-bas kahāniyāñ

kañgan meñ haath hai kahīñ nathlī meñ naak hai

mīThā miThās se hai vo ujlā kapās se

bātoñ meñ ishtirāk milan meñ tapāk hai

miTTī kī sab sifārateñ bandhan bashārateñ

sabza nadī kināroñ mazāroñ pe aak hai

haq-goī ham-rikāb darīda-badan ke baab

karbal kitāb sidq siyāq-o-sabāq hai

aur ant mein judai baDi karb-nak hai

tujh mujh mein yun to roz-e-azal se wifaq hai

niche kahin badan mein miTi KHwahishon ke KHwab

upar daraazi-e-gham-e-dauran ki KHak hai

sakhiyan sajili bhor nayan darpna ki or

aanand por por ajab inhimak hai

qilon ke ye hisar nahin qurbaton ke dayar

in burjiyon ke par hawa-e-firaq hai

nyare piya ke rup kahin gun kahin sarup

mathura ka baadshah kahin bhainson ka chaak hai

ye rajdhaniyan yahan be-bas kahaniyan

kangan mein hath hai kahin nathli mein nak hai

miTha miThas se hai wo ujla kapas se

baaton mein ishtirak milan mein tapak hai

miTTi ki sab sifaraten bandhan bashaaraten

sabza nadi kinaron mazaron pe aak hai

haq-goi ham-rikab darida-badan ke bab

karbal kitab sidq siyaq-o-sabaq hai