aur ishrat ki tamanna kya karen
aur ishrat kī tamannā kyā kareñ
sāmne tū ho tujhe dekhā kareñ
mahv ho jaa.eñ tasavvur meñ tire
ham bhī apne qatre ko dariyā kareñ
ham ko hai har roz har vaqt intizār
banda-parvar gaah gaah aayā kareñ
chārāgar kā chāhiye karnā ilaaj
us ko bhī apnā sā dīvāna kareñ
un ke aane kā bharosā ho na ho
raah ham un kī magar dekhā kareñ
ham nahīñ nā-vāqif rasm-e-adab
dil kī betābī ko 'vahshat' kyā kareñ
aur ishrat ki tamanna kya karen
samne tu ho tujhe dekha karen
mahw ho jaen tasawwur mein tere
hum bhi apne qatre ko dariya karen
hum ko hai har roz har waqt intizar
banda-parwar gah gah aaya karen
chaaragar ka chahiye karna ilaj
us ko bhi apna sa diwana karen
un ke aane ka bharosa ho na ho
rah hum un ki magar dekha karen
hum nahin na-waqif rasm-e-adab
dil ki betabi ko 'wahshat' kya karen
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
