aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aur kya mere liye arsa-e-mahshar hoga

Ahmad Zafar

aur kya mere liye arsa-e-mahshar hoga

Ahmad Zafar

MORE BYAhmad Zafar

    aur kyā mere liye arsa-e-mahshar hogā

    maiñ shajar hūñgā tire haath meñ patthar hogā

    yuuñ bhī guzreñgī tire hijr meñ rāteñ merī

    chāñd bhī jaise mire siine meñ ḳhanjar hogā

    zindagī kyā hai ka.ī baar ye sochā maiñ ne

    ḳhvāb se pahle kisī ḳhvāb manzar hogā

    haath phailā.e hue shaam jahāñ aa.egī

    band hotā huā darvāza-e-ḳhāvar hogā

    maiñ kisī paas ke sahrā meñ bikhar jā.ūñgā

    kisī daur ke sāhil samundar hogā

    vo mirā shahr nahīñ shahr-e-ḳhamoshāñ tarah

    jis meñ har shaḳhs marnā muqaddar hogā

    kaun Dūbegā kise paar utarnā hai 'zafar'

    faisla vaqt ke dariyā meñ utar kar hogā

    aur kya mere liye arsa-e-mahshar hoga

    main shajar hunga tere hath mein patthar hoga

    yun bhi guzrengi tere hijr mein raaten meri

    chand bhi jaise mere sine mein KHanjar hoga

    zindagi kya hai kai bar ye socha main ne

    KHwab se pahle kisi KHwab ka manzar hoga

    hath phailae hue sham jahan aaegi

    band hota hua darwaza-e-KHawar hoga

    main kisi pas ke sahra mein bikhar jaunga

    tu kisi daur ke sahil ka samundar hoga

    wo mera shahr nahin shahr-e-KHamoshan ki tarah

    jis mein har shaKHs ka marna hi muqaddar hoga

    kaun Dubega kise par utarna hai 'zafar'

    faisla waqt ke dariya mein utar kar hoga

    Source:

    Nuquush (Pg. 534)

    • Author: Mohammad Tufail
      • Edition: 1985,Issue No. 132
      • Publisher: Idara-e-Frog-e-Urdu, Lahore
      • Year of Publication: 1985,Issue No. 132
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now