aur kya rah gaya hai hone ko
aur kyā rah gayā hai hone ko
ek aañsū nahīñ hai rone ko
ḳhvāb achchhe raheñge an-dekhe
ḳhaak achchhī rahegī sone ko
tū kahīñ baiTh aur hukm chalā
ham jo haiñ terā bojh Dhone ko
chashm-e-nam chaar ashk aur idhar
daaġh ik rah gayā hai dhone ko
baiThne ko jagah nahīñ miltī
kyā kareñ oḌhne-bichhaune ko
ye mah o saal chand baaqī haiñ
aur kuchh bhī nahīñ hai khone ko
nā-rasā.ī kā rañj laa.e haiñ
tere dil meñ kahīñ samone ko
aaj kī raat jaag lo yaaro
vaqt phir hashr tak hai sone ko
yaad bhī terī miT ga.ī dil se
aur kyā rah gayā hai hone ko
aur kya rah gaya hai hone ko
ek aansu nahin hai rone ko
KHwab achchhe rahenge an-dekhe
KHak achchhi rahegi sone ko
tu kahin baiTh aur hukm chala
hum jo hain tera bojh Dhone ko
chashm-e-nam chaar ashk aur idhar
dagh ek rah gaya hai dhone ko
baiThne ko jagah nahin milti
kya karen oDhne-bichhaune ko
ye mah o sal chand baqi hain
aur kuchh bhi nahin hai khone ko
na-rasai ka ranj lae hain
tere dil mein kahin samone ko
aaj ki raat jag lo yaro
waqt phir hashr tak hai sone ko
yaad bhi teri miT gai dil se
aur kya rah gaya hai hone ko
- Book : Gaflat ke Barabar (Pg. 127)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
