aur samt-e-safar rasta aur hai

aur samt-e-safar rāsta aur hai

‘ahd-e-hāzir kā shāyad ḳhudā aur hai

āñdhiyāñ kis liye mutma.in ho ga.iiñ

mere ghar meñ abhī ik diyā aur hai

jhūTī ḳhabroñ kī tash.hīr mat kījiye

merī bastī kā vo vāqi'a aur hai

'āfiyat kī tamanna munāsib nahīñ

baaqī ik 'arsa-e-karbalā aur hai

ham tamannā-e-ḳhatm-e-safar kyoñ kareñ

is safar kī thakan kā mazā aur hai

aap kā shahr dilkash bahut hai magar

gaañv kī mere āb-o-havā aur hai

apnī pahchān bhī ab to mumkin nahīñ

ham hī badle haiñ yā aa.ina aur hai

shīsh-mahloñ meñ 'tābish' ko mat DhūñDhiye

is qalandar ke ghar kā patā aur hai

aur samt-e-safar rasta aur hai

‘ahd-e-hazir ka shayad KHuda aur hai

aandhiyan kis liye mutmain ho gain

mere ghar mein abhi ek diya aur hai

jhuTi KHabron ki tashhir mat kijiye

meri basti ka wo waqi'a aur hai

'afiyat ki tamanna munasib nahin

baqi ek 'arsa-e-karbala aur hai

hum tamanna-e-KHatm-e-safar kyon karen

is safar ki thakan ka maza aur hai

aap ka shahr dilkash bahut hai magar

ganw ki mere aab-o-hawa aur hai

apni pahchan bhi ab to mumkin nahin

hum hi badle hain ya aaina aur hai

shish-mahlon mein 'tabish' ko mat DhunDhiye

is qalandar ke ghar ka pata aur hai