ayan donon se takmil-e-jahan hai

ayaañ donoñ se takmīl-e-jahāñ hai

zamīñ gum ho to phir kyā āsmāñ hai

tilsmātī koī qissa hai duniyā

yahāñ har din na.ī ik dāstāñ hai

jo tum ho to ye kaise maan luuñ maiñ

ki jo kuchh hai yahāñ bas ik gumāñ hai

saroñ par āsmāñ hote hue bhī

jise dekho vahī be-sā.ebāñ hai

kisī dhartī kī shāyad ret hogī

hamāre vāste jo kahkashāñ hai

agar thā chand-roza mausam-e-gul

to phir do chaar hī din kī ḳhizāñ hai

jise umr-e-ravāñ kahte haiñ 'amabar'

chalo dekheñ kahāñ tak rā.egāñ hai

ayan donon se takmil-e-jahan hai

zamin gum ho to phir kya aasman hai

tilsmati koi qissa hai duniya

yahan har din nai ek dastan hai

jo tum ho to ye kaise man lun main

ki jo kuchh hai yahan bas ek guman hai

saron par aasman hote hue bhi

jise dekho wahi be-saeban hai

kisi dharti ki shayad ret hogi

hamare waste jo kahkashan hai

agar tha chand-roza mausam-e-gul

to phir do chaar hi din ki KHizan hai

jise umr-e-rawan kahte hain 'amabar'

chalo dekhen kahan tak raegan hai