mere payam-e-dil ka agar ye jawab hai

mere payām-e-dil kā agar ye javāb hai

to mānñā paḌegā mohabbat 'azāb hai

sar-chashma-e-hayāt abhī tak sarāb hai

har gaam par fareb-e-nazar kāmyāb hai

qāsid se ḳhat liyā paḌhā aur phaaḌ kar kahā

keh dījiyo ki bas yahī merā javāb hai

tum ne vafā kī raah meñ rakkhā to hai qadam

ye bhī ḳhayāl hai ki zamāna ḳharāb hai

kyuuñ itne mutma.in haiñ añdheroñ ke mudda'ī

doshīza-e-sahar to abhī mahv-e-ḳhvāb hai

'rāhī' mirī ġhazal pe koī kuchh kahe magar

vo gungunā uTheñ to ġhazal kāmyāb hai

mere payam-e-dil ka agar ye jawab hai

to manna paDega mohabbat 'azab hai

sar-chashma-e-hayat abhi tak sarab hai

har gam par fareb-e-nazar kaamyab hai

qasid se KHat liya paDha aur phaD kar kaha

keh dijiyo ki bas yahi mera jawab hai

tum ne wafa ki rah mein rakkha to hai qadam

ye bhi KHayal hai ki zamana KHarab hai

kyun itne mutmain hain andheron ke mudda'i

doshiza-e-sahar to abhi mahw-e-KHwab hai

'rahi' meri ghazal pe koi kuchh kahe magar

wo gunguna uThen to ghazal kaamyab hai