azab ye bhi kisi aur par nahin aaya
azaab ye bhī kisī aur par nahīñ aayā
ki ek umr chale aur ghar nahīñ aayā
us ek ḳhvāb kī hasrat meñ jal bujhīñ āñkheñ
vo ek ḳhvāb ki ab tak nazar nahīñ aayā
kareñ to kis se kareñ nā-rasā.iyoñ kā gila
safar tamām huā ham-safar nahīñ aayā
diloñ kī baat badan kī zabāñ se kah dete
ye chāhte the magar dil idhar nahīñ aayā
ajiib hī thā mire daur-e-gumrahī kā rafīq
bichhaḌ gayā to kabhī lauT kar nahīñ aayā
harīm-e-lafz-o-ma.ānī se nisbateñ bhī rahīñ
magar salīqa-e-arz-e-hunar nahīñ aayā
azab ye bhi kisi aur par nahin aaya
ki ek umr chale aur ghar nahin aaya
us ek KHwab ki hasrat mein jal bujhin aankhen
wo ek KHwab ki ab tak nazar nahin aaya
karen to kis se karen na-rasaiyon ka gila
safar tamam hua ham-safar nahin aaya
dilon ki baat badan ki zaban se kah dete
ye chahte the magar dil idhar nahin aaya
ajib hi tha mere daur-e-gumrahi ka rafiq
bichhaD gaya to kabhi lauT kar nahin aaya
harim-e-lafz-o-maani se nisbaten bhi rahin
magar saliqa-e-arz-e-hunar nahin aaya
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
