ba-ehtiyat mere pas se guzar bhi gaya

ba-ehtiyāt mire paas se guzar bhī gayā

vo be-niyāz rahā aur bā-ḳhabar bhī gayā

na tan kā hosh rahā aur na jaañ aziiz huī

vo ma.arka thā ki ehsās-e-teġh-o-sar bhī gayā

tumhīñ meñ thā vo magar tum na us ko jaan sake

aur ab to vādī-e-lā-samt meñ utar bhī gayā

sañbhāle baiThe the dastār donoñ hāthoñ se

uThī vo mauj ki pagḌī ke saath sar bhī gayā

vo zahr ārzū-e-lams jazb kartā rahā

kisī ko Das na sakā phir vo naag mar bhī gayā

mirī anā hī mujhe e'timād detī thī

vo shāḳh TuuT ga.ī aur vo samar bhī gayā

ba-ehtiyat mere pas se guzar bhi gaya

wo be-niyaz raha aur ba-KHabar bhi gaya

na tan ka hosh raha aur na jaan aziz hui

wo marka tha ki ehsas-e-tegh-o-sar bhi gaya

tumhin mein tha wo magar tum na us ko jaan sake

aur ab to wadi-e-la-samt mein utar bhi gaya

sanbhaale baiThe the dastar donon hathon se

uThi wo mauj ki pagDi ke sath sar bhi gaya

wo zahr aarzu-e-lams jazb karta raha

kisi ko Das na saka phir wo nag mar bhi gaya

meri ana hi mujhe e'timad deti thi

wo shaKH TuT gai aur wo samar bhi gaya