ba-nala hasil-e-dil-bastagi faraham kar

ba-nāla hāsil-e-dil-bastagī farāham kar

matā-e-ḳhāna-e-zanjīr juz sadā mā'lūm

ba-qadr-e-hausla-e-ishq jalva-rezī hai

vagarna ḳhāna-e-ā.īna kī fazā mā'lūm

bahār dar-girau-e-ġhuncha shahr-e-jaulāñ hai

tilism-e-nāz ba-juz tañgī-e-qabā mā'lūm

tilism-e-ḳhāk kamīñ-gāh-e-yak-jahāñ saudā

ba-marg takiya-e-āsā.ish-e-fanā mā'lūm

takalluf ā.ina-e-do-jahāñ madārā hai

surāġh-e-yak-na-gah-e-qahr-āshnā mā'lūm

'asad' farefta-e-intiḳhāb-e-tarz-e-jafā

vagarna dilbarī-e-vāda-e-vafā mā'lūm

ba-nala hasil-e-dil-bastagi faraham kar

mata-e-KHana-e-zanjir juz sada ma'lum

ba-qadr-e-hausla-e-ishq jalwa-rezi hai

wagarna KHana-e-aina ki faza ma'lum

bahaar dar-girau-e-ghuncha shahr-e-jaulan hai

tilism-e-naz ba-juz tangi-e-qaba ma'lum

tilism-e-KHak kamin-gah-e-yak-jahan sauda

ba-marg takiya-e-asaish-e-fana ma'lum

takalluf aaina-e-do-jahan madara hai

suragh-e-yak-na-gah-e-qahr-ashna ma'lum

'asad' farefta-e-intiKHab-e-tarz-e-jafa

wagarna dilbari-e-wada-e-wafa ma'lum