ba-nam-e-harf-e-sadaqat suKHan-wari karna

ba-nām-e-harf-e-sadāqat suḳhan-varī karnā

shikam-purī ke liye mīr-jā'frī karnā

hamāre 'ahd ne ham ko diyā hai ye mansab

ḳhud apne qatl meñ qātil kī rahbarī karnā

baḌā hai vo to phir apnī baḌā.ī bhī rakkhe

ki chhoTā siikh na jaa.e barābarī karnā

ġham-e-hayāt se Dar jaanā buz-diloñ kī tarah

phir apnī zaat se iz.hār-e-bartarī karnā

ġhubār-e-rāh ko sāhib ye fan bhī aatā hai

havā meñ uḌnā sitāroñ kī hamsarī karnā

ġhulām ho ke bhī vo bādshāh hotā hai

likhā ho jis ke muqaddar meñ qambarī karnā

ba-nam-e-harf-e-sadaqat suKHan-wari karna

shikam-puri ke liye mir-ja'fri karna

hamare 'ahd ne hum ko diya hai ye mansab

KHud apne qatl mein qatil ki rahbari karna

baDa hai wo to phir apni baDai bhi rakkhe

ki chhoTa sikh na jae barabari karna

gham-e-hayat se Dar jaana buz-dilon ki tarah

phir apni zat se izhaar-e-bartari karna

ghubar-e-rah ko sahib ye fan bhi aata hai

hawa mein uDna sitaron ki hamsari karna

ghulam ho ke bhi wo baadshah hota hai

likha ho jis ke muqaddar mein qambari karna