ba-nam-e-paikar-KHaki na gard ban jao
ba-nām-e-paikar-ḳhākī na gard ban jaao
miyān-e-shahr na sahrā-navard ban jaao
bagūlā ban ke uTho baiTh jaao ban ke ġhubār
bikhar ke hāsil-e-sahrā-e-gard ban jaao
hai ijtimā-e-anāsir se zindagī kī numūd
aur iqtazā-e-qazā fard fard ban jaao
rag-e-hayāt ko garmāo garmī-e-ḳhūñ se
ye kyā ki vaqt-e-amal jism-e-sard ban jaao
nigār-ḳhāna-e-hastī kā saath do 'raunaq'
ḳhushī ke sāmne tasvīr-e-dard ban jaao
ba-nam-e-paikar-KHaki na gard ban jao
miyan-e-shahr na sahra-naward ban jao
bagula ban ke uTho baiTh jao ban ke ghubar
bikhar ke hasil-e-sahra-e-gard ban jao
hai ijtima-e-anasir se zindagi ki numud
aur iqtaza-e-qaza fard fard ban jao
rag-e-hayat ko garmao garmi-e-KHun se
ye kya ki waqt-e-amal jism-e-sard ban jao
nigar-KHana-e-hasti ka sath do 'raunaq'
KHushi ke samne taswir-e-dard ban jao
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
