baadam do jo bheje hain baTwe mein Dal kar

bādām do jo bheje haiñ baTve meñ Daal kar

īmāñ ye hai ki bhej de āñkheñ nikāl kar

dil siine meñ kahāñ hai na tū dekh-bhāl kar

ai aah kah de tiir kā naama nikāl kar

utregā ek jaam bhī puurā na chaak se

ḳhāk-e-dil-e-shikasta na sarf-e-kulāl kar

le kar butoñ ne jaan jab īmāñ pe Daalā haath

dil kyā kināre ho gayā sab ko sambhāl kar

tasvīr un kī hazrat-e-dil khīñch liije gar

rakh deñge ham bhī paañv pe āñkheñ nikāl kar

qātil hai kis maze se namak-pāsh-e-zaḳhm-e-dil

bismil zarā taḌap ke namak to halāl kar

dil ko rafīq ishq meñ apnā samajh na 'zauq'

Tal jā.egā ye apnī balā tujh pe Taal kar

baadam do jo bheje hain baTwe mein Dal kar

iman ye hai ki bhej de aankhen nikal kar

dil sine mein kahan hai na tu dekh-bhaal kar

ai aah kah de tir ka nama nikal kar

utrega ek jam bhi pura na chaak se

KHak-e-dil-e-shikasta na sarf-e-kulal kar

le kar buton ne jaan jab iman pe Dala hath

dil kya kinare ho gaya sab ko sambhaal kar

taswir un ki hazrat-e-dil khinch lije gar

rakh denge hum bhi panw pe aankhen nikal kar

qatil hai kis maze se namak-pash-e-zaKHm-e-dil

bismil zara taDap ke namak to halal kar

dil ko rafiq ishq mein apna samajh na 'zauq'

Tal jaega ye apni bala tujh pe Tal kar