bagh-e-adan ke khilte gulabon ke sath tha

bāġh-e-adan ke khilte gulāboñ ke saath thā

maiñ ik hasīn jism ke ḳhvāboñ ke saath thā

mahrūmiyoñ kā faiz azāboñ ke saath thā

ye silsila ġhamoñ kī kitāboñ ke saath thā

maiñ sun rahā thā apnī sadāoñ kī bāzgasht

lekin dimāġh fan ke rabāboñ ke saath thā

har buuñd garche apne lahū kī huī safed

paanī zarā sā phir bhī sarāboñ ke saath thā

the hādsoñ ke shahr meñ sab us ke mo'taqid

vo jo hamesha ḳhāna-ḳharāboñ ke saath thā

shohrat kā har gulāb huā ġharq-e-āb jab

'jāmī' tirā vajūd habāboñ ke saath thā

bagh-e-adan ke khilte gulabon ke sath tha

main ek hasin jism ke KHwabon ke sath tha

mahrumiyon ka faiz azabon ke sath tha

ye silsila ghamon ki kitabon ke sath tha

main sun raha tha apni sadaon ki bazgasht

lekin dimagh fan ke rababon ke sath tha

har bund garche apne lahu ki hui safed

pani zara sa phir bhi sarabon ke sath tha

the hadson ke shahr mein sab us ke mo'taqid

wo jo hamesha KHana-KHarabon ke sath tha

shohrat ka har gulab hua gharq-e-ab jab

'jami' tera wajud hababon ke sath tha