bagh-e-dil mein koi ghuncha na khila tere baad

bāġh-e-dil meñ koī ġhuncha na khilā tere baa'd

bhuul kar aa.ī na is samt sabā tere baa'd

terī zulfoñ kī mahak tere badan kī ḳhushbū

DhūñDhtī phirtī hai ik paglī havā tere baa'd

vahī mele vahī panghaT vahī jhūle vahī giit

gaañv meñ par koī tujh sā na milā tere baa'd

andhī rātoñ kī siyāhī mirā maqdūr huī

koī taarā mire āñgan na girā tere baa'd

de diyā apne dil-o-jān kā ik ik qatra

aur kyā chāhtī hai terī sadā tere baa'd

jism merā thā magar ruuh kā mālik thā aur

kaisī 'ayyārī kā ye raaz khulā tere baa'd

had-e-imkān talak kirneñ vafā kī bikhreñ

jism merā ka.ī zaḳhmoñ se sajā tere baa'd

tū hī ġhālib nahīñ ik jaur-e-falak kā maarā

mere ghar aayā hai tūfān-e-balā tere baa'd

kisī ḳhush-fahmī meñ rahtā hai tū badnām-'nazar'

kaun rakkhegā tujhe yaad bhalā tere baa'd

bagh-e-dil mein koi ghuncha na khila tere ba'd

bhul kar aai na is samt saba tere ba'd

teri zulfon ki mahak tere badan ki KHushbu

DhunDhti phirti hai ek pagli hawa tere ba'd

wahi mele wahi panghaT wahi jhule wahi git

ganw mein par koi tujh sa na mila tere ba'd

andhi raaton ki siyahi mera maqdur hui

koi tara mere aangan na gira tere ba'd

de diya apne dil-o-jaan ka ek ek qatra

aur kya chahti hai teri sada tere ba'd

jism mera tha magar ruh ka malik tha aur

kaisi 'ayyari ka ye raaz khula tere ba'd

had-e-imkan talak kirnen wafa ki bikhren

jism mera kai zaKHmon se saja tere ba'd

tu hi ghaalib nahin ek jaur-e-falak ka mara

mere ghar aaya hai tufan-e-bala tere ba'd

kisi KHush-fahmi mein rahta hai tu badnam-'nazar'

kaun rakkhega tujhe yaad bhala tere ba'd