bagh-e-jahan mein sarw sa gardan-kashida hun

bāġh-e-jahāñ meñ sarv sā gardan-kashīda huuñ

dāman ta.alluqāt se aalam ke chīda huuñ

is qāfila ko naala sunāne kā zauq niiñ

misl-e-jaras ke maiñ na dahān-e-darīda huuñ

niiñ bhūlne kā misl-e-jaras kī fuġhāñ ke ta.iiñ

nālāñ huuñ dil agarche lab-e-ārmīda huuñ

bismil huuñ dil-figār huuñ aur jāñ-ba-lab huuñ aah

sūrat ayaañ hai naale kī halq-e-burīda huuñ

rakhtā huuñ is liye dil-e-sozāñ o chashm-e-tar

jiyūñ sham.a dard-e-dāġh se ishq-āfrīda huuñ

bagh-e-jahan mein sarw sa gardan-kashida hun

daman talluqat se aalam ke chida hun

is qafila ko nala sunane ka zauq nin

misl-e-jaras ke main na dahan-e-darida hun

nin bhulne ka misl-e-jaras ki fughan ke tain

nalan hun dil agarche lab-e-armida hun

bismil hun dil-figar hun aur jaan-ba-lab hun aah

surat ayan hai nale ki halq-e-burida hun

rakhta hun is liye dil-e-sozan o chashm-e-tar

jiyun shama dard-e-dagh se ishq-afrida hun