bagh mein jab ki wo dil KHun-kun-e-har-gul pahunche

baaġh meñ jab ki vo dil ḳhūñ-kun-e-har-gul pahuñche

bilbilātī huī gulzār meñ bulbul pahuñche

sadma-e-shām-e-ajal mujh ko na bilkul pahuñche

gar mirī daad ko kal tak bhī vo kākul pahuñche

dil bhī le kar alam-e-āh muqābil pahuñchā

neza-bāzān-e-mizha jab ba-taġhāful pahuñche

mehr kūcha tirā jhāḌe hai ba-jārūb-e-shuā

ki isī tarah baham tujh se tavassul pahuñche

apnā ye muñh to na thā aap talak ham pahuñcheñ

aap kā jab ki huā ham pe tafazzul pahuñche

ham-rah-e-yās-o-alam dasht-e-junūñ meñ kal ham

ba-tahammul ba-ta.ammul ba-tajammul pahuñche

gar tire vazn pe maiñ saare qavāfī bāñdhūñ

dam tirā naak meñ ai bāb-e-tafavvul pahuñche

ḳhāna-ābād tumhārā ho ki ham hazrat-e-ishq

naf.a ko tum se ba-ayyām-e-tavakkul pahuñche

dard-o-ġham yās-o-alam soz-e-dil o dāġh-e-jigar

tohfe jo aap ne bheje hameñ bilkul pahuñche

jab gayā husn to aayā tire iḳhlās kā baar

ab taraqqī hai tab ayyām-e-tanazzul pahuñche

qahr ik riñd pe qul pīr-e-muġhāñ ne thā paḌhā

sher ye ham ne sunā sunñe ko jab qul pahuñche

tars-e-uqbā hai to mai-ḳhāna meñ rah ai zāhid

tab bacho vaañ jo bajā kaan meñ qulqul pahuñche

rashk-e-gul baaġh meñ baiThā thā to ham bhī 'ehsāñ'

ye ġhazal paḌhte hue vaañ ba-tajāhul pahuñche

bagh mein jab ki wo dil KHun-kun-e-har-gul pahunche

bilbilati hui gulzar mein bulbul pahunche

sadma-e-sham-e-ajal mujh ko na bilkul pahunche

gar meri dad ko kal tak bhi wo kakul pahunche

dil bhi le kar alam-e-ah muqabil pahuncha

neza-bazan-e-mizha jab ba-taghaful pahunche

mehr kucha tera jhaDe hai ba-jarub-e-shua

ki isi tarah baham tujh se tawassul pahunche

apna ye munh to na tha aap talak hum pahunchen

aap ka jab ki hua hum pe tafazzul pahunche

ham-rah-e-yas-o-alam dasht-e-junun mein kal hum

ba-tahammul ba-tammul ba-tajammul pahunche

gar tere wazn pe main sare qawafi bandhun

dam tera nak mein ai bab-e-tafawwul pahunche

KHana-abaad tumhaara ho ki hum hazrat-e-ishq

nafa ko tum se ba-ayyam-e-tawakkul pahunche

dard-o-gham yas-o-alam soz-e-dil o dagh-e-jigar

tohfe jo aap ne bheje hamein bilkul pahunche

jab gaya husn to aaya tere iKHlas ka bar

ab taraqqi hai tab ayyam-e-tanazzul pahunche

qahr ek rind pe qul pir-e-mughan ne tha paDha

sher ye hum ne suna sunne ko jab qul pahunche

tars-e-uqba hai to mai-KHana mein rah ai zahid

tab bacho wan jo baja kan mein qulqul pahunche

rashk-e-gul bagh mein baiTha tha to hum bhi 'ehsan'

ye ghazal paDhte hue wan ba-tajahul pahunche