bais-e-tark-e-mulaqat batae koi

bā.is-e-tark-e-mulāqāt batā.e koī

baat kyā ho ga.ī āḳhir ye jatā.e koī

jis ne merī to koī baat na maanī na sahī

merī jānib se use jā ke manā.e koī

muntazir baiThe haiñ tum aan ke dekho to sahī

nahīñ aaoge yahī aa ke batā.e koī

aaj ḳhvāboñ meñ bahut ham ko nazar aa.e sarāb

din chaḌhā ab to hameñ aa ke jagā.e koī

talḳh maazī to masā.ib se bharā hai 'sāhil'

ahd-e-māzī ko bhalā kaise bhulā.e koī

bais-e-tark-e-mulaqat batae koi

baat kya ho gai aaKHir ye jatae koi

jis ne meri to koi baat na mani na sahi

meri jaanib se use ja ke manae koi

muntazir baiThe hain tum aan ke dekho to sahi

nahin aaoge yahi aa ke batae koi

aaj KHwabon mein bahut hum ko nazar aae sarab

din chaDha ab to hamein aa ke jagae koi

talKH mazi to masaib se bhara hai 'sahil'

ahd-e-mazi ko bhala kaise bhulae koi