bare duniya mein raho gham-zada ya shad raho

baare duniyā meñ raho ġham-zada yā shaad raho

aisā kuchh kar ke chalo yaañ ki bahut yaad raho

ishq-peche kī tarah husn-e-giraftārī hai

lutf kyā sarv kī mānind gar āzād raho

ham ko dīvāngī shahroñ hī meñ ḳhush aatī hai

dasht meñ qais raho koh meñ farhād raho

vo garāñ ḳhvāb jo hai naaz kā apne so hai

daad be-dād raho shab ko ki fariyād raho

'mīr' ham mil ke bahut ḳhush hue tum se pyāre

is ḳharābe meñ mirī jaan tum ābād raho

bare duniya mein raho gham-zada ya shad raho

aisa kuchh kar ke chalo yan ki bahut yaad raho

ishq-peche ki tarah husn-e-giraftari hai

lutf kya sarw ki manind gar aazad raho

hum ko diwangi shahron hi mein KHush aati hai

dasht mein qais raho koh mein farhad raho

wo garan KHwab jo hai naz ka apne so hai

dad be-dad raho shab ko ki fariyaad raho

'mir' hum mil ke bahut KHush hue tum se pyare

is KHarabe mein meri jaan tum aabaad raho