baat be-shak na karen aap idhar dekhen to

baat be-shak na kareñ aap idhar dekheñ to

log kis haal meñ haiñ ek nazar dekheñ to

ḳhair honā to vahī hai jo ḳhudā chāhegā

phir bhī kar sakte haiñ ham log jo kar dekheñ to

tum ne dekhā hai vahī ḳhvāb jo maiñ ne dekhā

is ko kahte haiñ mohabbat kā asar dekheñ to

aap ishrat-kada-e-ġhair kī rākhī kar ke

aa.eñ aur aa ke kabhī apnā bhī ghar dekheñ to

ḳhīragī aur tapish dhuup kī hai ba.ad kī baat

pahle ye shab to kaTe log sahar dekheñ to

rañg chehroñ se ka.ī logoñ ke uḌ jā.egā

zikr merā kabhī is bazm meñ kar dekheñ to

maiñ bhī phir tujh se kahūñgā ki bahā ḳhuun bahā

terī jānib vo kabhī dīda-e-tar dekheñ to

phir vo yuuñ auroñ pe tanqīd kī jur.at na kareñ

apnā bhī chāk-e-garebāñ vo magar dekheñ to

baat be-shak na karen aap idhar dekhen to

log kis haal mein hain ek nazar dekhen to

KHair hona to wahi hai jo KHuda chahega

phir bhi kar sakte hain hum log jo kar dekhen to

tum ne dekha hai wahi KHwab jo main ne dekha

is ko kahte hain mohabbat ka asar dekhen to

aap ishrat-kada-e-ghair ki rakhi kar ke

aaen aur aa ke kabhi apna bhi ghar dekhen to

KHiragi aur tapish dhup ki hai baad ki baat

pahle ye shab to kaTe log sahar dekhen to

rang chehron se kai logon ke uD jaega

zikr mera kabhi is bazm mein kar dekhen to

main bhi phir tujh se kahunga ki baha KHun baha

teri jaanib wo kabhi dida-e-tar dekhen to

phir wo yun auron pe tanqid ki jurat na karen

apna bhi chaak-e-gareban wo magar dekhen to