بات جو کی تھی دل لگی کے لیے
بات جو کی تھی دل لگی کے لیے
بن گئی بار زندگی کے لیے
تیرے جانے کے بعد برسوں تک
لب ترستے رہے ہنسی کے لیے
تیری آمد کا گر یقیں ہوتا
اور جی لیتے اک گھڑی کے لیے
خون دل پی کے مسکراتے رہو
یہ بھی لازم ہے زندگی کے لیے
زیست سے کب کے آ چکے عاجز
جی رہے ہیں مگر کسی کے لیے
تن کے مارے سے کچھ نہیں ہوگا
من کو مارو قلندری کے لیے
درد غم رنج آہ نالہ فغاں
اے نریشؔ ایک آپ ہی کے لیے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
