baat kar dil sati hijab nikal

baat kar dil satī hijāb nikāl

ġhuncha-e-lab satī gulāb nikāl

shab-e-hijrāñ kī tīrgī kar duur

husn-e-tābāñ kā āftāb nikāl

bait-e-abrū kā dars de mujh kuuñ

fard-e-dīvān-e-intiḳhāb nikāl

bul-havas band-e-uqda-e-ġham hai

zulf-e-mushkīñ siiñ pech-o-tāb nikāl

munhasir nahīñ hai gosha-gīrī par

dil siiñ yaksū ho sab hisāb nikāl

takiya-e-maḳhmalī sirhāne rakh

lekin āñkhoñ siiñ apnī ḳhvāb nikāl

mastī-e-ishq gar tujhe hai 'sirāj'

shīsha-e-chashm siiñ sharāb nikāl

baat kar dil sati hijab nikal

ghuncha-e-lab sati gulab nikal

shab-e-hijran ki tirgi kar dur

husn-e-taban ka aaftab nikal

bait-e-abru ka dars de mujh kun

fard-e-diwan-e-intiKHab nikal

bul-hawas band-e-uqda-e-gham hai

zulf-e-mushkin sin pech-o-tab nikal

munhasir nahin hai gosha-giri par

dil sin yaksu ho sab hisab nikal

takiya-e-maKHmali sirhane rakh

lekin aankhon sin apni KHwab nikal

masti-e-ishq gar tujhe hai 'siraj'

shisha-e-chashm sin sharab nikal