baat lakhon ki sahi par wo nahin mane to

baat lākhoñ kī sahī par vo nahīñ maane to

sach kī mīzān pe rakh kar bhī na gardāne to

dekh kar jaate hue chīḳh rahī huuñ be-sūd

shaḳhsiyat ko mirī aa kar bhī na pahchāne to

toḌ kar dair-o-kalīsā to banā dī masjid

dil meñ ābād jo ho jaa.eñ sanam-ḳhāne to

sham.a ban kar to pighalne ko ham āmāda haiñ

Dar ye hai rasm-e-vafā toḌ deñ parvāne to

shahr-e-be-mehr meñ jaanā to bahut chāhtī hai

gar vahāñ log mirī shakl na pahchāne to

dil dhaḌaktā hai kahīñ hashr na phir jaag uThe

chauñk kar khul ga.e do āñkhoñ ke maiḳhāne to

kar ke dar band 'ayāñ' baiThī huuñ ġhairoñ ke liye

bhes meñ apnoñ ke ghar aa ga.e begāne to

baat lakhon ki sahi par wo nahin mane to

sach ki mizan pe rakh kar bhi na gardane to

dekh kar jate hue chiKH rahi hun be-sud

shaKHsiyat ko meri aa kar bhi na pahchane to

toD kar dair-o-kalisa to bana di masjid

dil mein aabaad jo ho jaen sanam-KHane to

shama ban kar to pighalne ko hum aamada hain

Dar ye hai rasm-e-wafa toD den parwane to

shahr-e-be-mehr mein jaana to bahut chahti hai

gar wahan log meri shakl na pahchane to

dil dhaDakta hai kahin hashr na phir jag uThe

chaunk kar khul gae do aankhon ke maiKHane to

kar ke dar band 'ayan' baiThi hun ghairon ke liye

bhes mein apnon ke ghar aa gae begane to