baat se baat ki gahrai chali jati hai

baat se baat kī gahrā.ī chalī jaatī hai

jhuuT aa jaa.e to sachchā.ī chalī jaatī hai

raat bhar jāgte rahne kā amal Thiik nahīñ

chāñd ke ishq meñ bīnā.ī chalī jaatī hai

maiñ ne is shahr ko dekhā bhī nahīñ jī bhar ke

aur tabī.at hai ki ghabrā.ī chalī jaatī hai

kuchh dinoñ ke liye manzar se agar haT jaao

zindagī bhar kī shanāsā.ī chalī jaatī hai

pyaar ke giit havāoñ meñ sune jaate haiñ

daf bajātī huī rusvā.ī chalī jaatī hai

chhap se girtī hai koī chiiz ruke paanī meñ

duur tak phaTtī huī kaa.ī chalī jaatī hai

mast kartī hai mujhe apne lahū kī ḳhushbū

zaḳhm sab khol ke purvā.ī chalī jaatī hai

dar o dīvār pe chehre se ubhar aate haiñ

jism bantī huī tanhā.ī chalī jaatī hai

baat se baat ki gahrai chali jati hai

jhuT aa jae to sachchai chali jati hai

raat bhar jagte rahne ka amal Thik nahin

chand ke ishq mein binai chali jati hai

main ne is shahr ko dekha bhi nahin ji bhar ke

aur tabiat hai ki ghabrai chali jati hai

kuchh dinon ke liye manzar se agar haT jao

zindagi bhar ki shanasai chali jati hai

pyar ke git hawaon mein sune jate hain

daf bajati hui ruswai chali jati hai

chhap se girti hai koi chiz ruke pani mein

dur tak phaTti hui kai chali jati hai

mast karti hai mujhe apne lahu ki KHushbu

zaKHm sab khol ke purwai chali jati hai

dar o diwar pe chehre se ubhar aate hain

jism banti hui tanhai chali jati hai