baaten to kuchh aisi hain ki KHud se bhi na ki jaen
bāteñ to kuchh aisī haiñ ki ḳhud se bhī na kī jaa.eñ
sochā hai ḳhamoshī se har ik zahr ko pī jaa.eñ
apnā to nahīñ koī vahāñ pūchhne vaalā
us bazm meñ jaanā hai jinheñ ab to vahī jaa.eñ
ab tujh se hameñ koī ta.alluq nahīñ rakhnā
achchhā ho ki dil se tirī yādeñ bhī chalī jaa.eñ
ik umr uThā.e haiñ sitam ġhair ke ham ne
apnoñ kī to ik pal bhī jafā.eñ na sahī jaa.eñ
'jālib' ġham-e-daurāñ ho ki yād-e-ruḳh-e-jānāñ
tanhā mujhe rahne deñ mire dil se sabhī jaa.eñ
baaten to kuchh aisi hain ki KHud se bhi na ki jaen
socha hai KHamoshi se har ek zahr ko pi jaen
apna to nahin koi wahan puchhne wala
us bazm mein jaana hai jinhen ab to wahi jaen
ab tujh se hamein koi talluq nahin rakhna
achchha ho ki dil se teri yaaden bhi chali jaen
ek umr uThae hain sitam ghair ke hum ne
apnon ki to ek pal bhi jafaen na sahi jaen
'jalib' gham-e-dauran ho ki yaad-e-ruKH-e-jaanan
tanha mujhe rahne den mere dil se sabhi jaen
- Book : kulliyat-e-habib jaalib (Pg. 265)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
