bazicha-e-atfal hai duniya mere aage Editor Choice Popular Choice

Roman
Select any sher to see commentary by Frances Pritchett Close Button

Click on any word for its meaning

previous

bāzīcha-e-atfāl hai duniyā mire aage


hotā hai shab-o-roz tamāshā mire aage

ik khel hai aurañg-e-sulemāñ mere nazdīk


ik baat hai ejāz-e-masīhā mire aage

juz naam nahīñ sūrat-e-ālam mujhe manzūr


juz vahm nahīñ hasti-e-ashiyā mire aage

hotā hai nihāñ gard meñ sahrā mire hote


ghistā hai jabīñ ḳhaak pe dariyā mire aage

mat pūchh ki kyā haal hai merā tire pīchhe


dekh ki kyā rañg hai terā mire aage

sach kahte ho ḳhud-bīn o ḳhud-ārā huuñ na kyuuñ huuñ


baiThā hai but-e-ā.ina-sīmā mire aage

phir dekhiye andāz-e-gul-afshānī-e-guftār


rakh de koī paimāna-e-sahbā mire aage

nafrat gumāñ guzre hai maiñ rashk se guzrā


kyūñkar kahūñ lo naam na un mire aage

īmāñ mujhe roke hai jo khīñche hai mujhe kufr


ka.aba mire pīchhe hai kalīsā mire aage

āshiq huuñ pa māshūq-farebī hai mirā kaam


majnūñ ko burā kahtī hai lailā mere aage

ḳhush hote haiñ par vasl meñ yuuñ mar nahīñ jaate


aa.ī shab-e-hijrāñ tamannā mire aage

hai maujzan ik qulzum-e-ḳhūñ kaash yahī ho


aatā hai abhī dekhiye kyā kyā mire aage

go haath ko jumbish nahīñ āñkhoñ meñ to dam hai


rahne do abhī sāġhar-o-mīnā mire aage

ham-pesha o ham-mashrab o hamrāz hai merā


'ġhālib' ko burā kyuuñ kaho achchhā mire aage

bazicha-e-atfal hai duniya mere aage


hota hai shab-o-roz tamasha mere aage

ek khel hai aurang-e-suleman mere nazdik


ek baat hai ejaz-e-masiha mere aage

juz nam nahin surat-e-alam mujhe manzur


juz wahm nahin hasti-e-ashiya mere aage

hota hai nihan gard mein sahra mere hote


ghista hai jabin KHak pe dariya mere aage

mat puchh ki kya haal hai mera tere pichhe


tu dekh ki kya rang hai tera mere aage

sach kahte ho KHud-bin o KHud-ara hun na kyun hun


baiTha hai but-e-aina-sima mere aage

phir dekhiye andaz-e-gul-afshani-e-guftar


rakh de koi paimana-e-sahba mere aage

nafrat ka guman guzre hai main rashk se guzra


kyunkar kahun lo nam na un ka mere aage

iman mujhe roke hai jo khinche hai mujhe kufr


kaba mere pichhe hai kalisa mere aage

aashiq hun pa mashuq-farebi hai mera kaam


majnun ko bura kahti hai laila mere aage

KHush hote hain par wasl mein yun mar nahin jate


aai shab-e-hijran ki tamanna mere aage

hai maujzan ek qulzum-e-KHun kash yahi ho


aata hai abhi dekhiye kya kya mere aage

go hath ko jumbish nahin aankhon mein to dam hai


rahne do abhi saghar-o-mina mere aage

ham-pesha o ham-mashrab o hamraaz hai mera


'ghaalib' ko bura kyun kaho achchha mere aage

Commentary by Frances Pritchett

Close Source content commmentary source
next

SAY SOMETHING ABOUT THIS GHAZAL

comments powered by Disqus
x