bachpan ka daur ahd-e-jawani mein kho gaya
bachpan kā daur ahd-e-javānī meñ kho gayā
ye amr-e-vāqi.a bhī kahānī meñ kho gayā
lahroñ meñ koī naqsha kahāñ pā.edār hai
sūraj ke ba.ad chāñd bhī paanī meñ kho gayā
āñkhoñ tak aa sakī na kabhī āñsuoñ kī lahr
ye qāfila bhī naql-e-makānī meñ kho gayā
ab bastiyāñ haiñ kis ke ta.āqub meñ rāt-din
dariyā to aap apnī ravānī meñ kho gayā
'tābish' kā kyā kaheñ ki vo zohra-gudāz shaḳhs
ātish-fishāñ kā phuul thā paanī meñ kho gayā
bachpan ka daur ahd-e-jawani mein kho gaya
ye amr-e-waqia bhi kahani mein kho gaya
lahron mein koi naqsha kahan paedar hai
suraj ke baad chand bhi pani mein kho gaya
aankhon tak aa saki na kabhi aansuon ki lahr
ye qafila bhi naql-e-makani mein kho gaya
ab bastiyan hain kis ke taaqub mein raat-din
dariya to aap apni rawani mein kho gaya
'tabish' ka kya kahen ki wo zohra-gudaz shaKHs
aatish-fishan ka phul tha pani mein kho gaya
- Book : Ishq Abaab (Pg. 184)
- Author : Abbas Tabish
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
