badal gaya hai sabhi kuchh us ek saat mein
badal gayā hai sabhī kuchh us ek saa.at meñ
zarā sī der hameñ ho ga.ī thī ujlat meñ
mohabbat apne liye jin ko muntaḳhab kar le
vo log mar ke bhī marte nahīñ mohabbat meñ
maiñ jāntā huuñ ki mausam ḳharāb hai phir bhī
koī to saath hai is dukh-bharī masāfat meñ
use kisī ne kabhī bolte nahīñ dekhā
jo shaḳhs chup nahīñ rahtā mirī himāyat meñ
badan se phuuT paḌā hai tamām umr kā hijr
ajiib haal huā hai tirī rifāqat meñ
mujhe sañbhālne meñ itnī ehtiyāt na kar
bikhar na jā.ūñ kahīñ maiñ tirī hifāzat meñ
yahāñ pe log haiñ mahrūmiyoñ ke maare hue
kisī se kuchh nahīñ kahnā yahāñ muravvat meñ
badal gaya hai sabhi kuchh us ek saat mein
zara si der hamein ho gai thi ujlat mein
mohabbat apne liye jin ko muntaKHab kar le
wo log mar ke bhi marte nahin mohabbat mein
main jaanta hun ki mausam KHarab hai phir bhi
koi to sath hai is dukh-bhari masafat mein
use kisi ne kabhi bolte nahin dekha
jo shaKHs chup nahin rahta meri himayat mein
badan se phuT paDa hai tamam umr ka hijr
ajib haal hua hai teri rifaqat mein
mujhe sanbhaalne mein itni ehtiyat na kar
bikhar na jaun kahin main teri hifazat mein
yahan pe log hain mahrumiyon ke mare hue
kisi se kuchh nahin kahna yahan murawwat mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
