بدل جاتے ہیں دل حالات جب کروٹ بدلتے ہیں

جمیلؔ مظہری

بدل جاتے ہیں دل حالات جب کروٹ بدلتے ہیں

جمیلؔ مظہری

MORE BY جمیلؔ مظہری

    بدل جاتے ہیں دل حالات جب کروٹ بدلتے ہیں

    محبت کے تصور بھی نئے سانچوں میں ڈھلتے ہیں

    تبسم جب کسی کا روح میں تحلیل ہوتا ہے

    تو دل کی بانسری سے نت نئے نغمے نکلتے ہیں

    محبت جن کے دل کی دھڑکنوں کو تیز رکھتی ہے

    وہ اکثر وقت کی رفتار سے آگے بھی چلتے ہیں

    اجالے کے پجاری مضمحل کیوں ہیں اندھیرے سے

    کہ یہ تارے نگلتے ہیں تو سورج بھی اگلتے ہیں

    انہی حیرت زدہ آنکھوں سے دیکھے ہیں وہ آنسو بھی

    جو اکثر دھوپ میں محنت کی پیشانی سے ڈھلتے ہیں

    محبت تو طلب کی راہ میں اک ایسی ٹھوکر ہے

    کہ جس سے زندگی کی ریت میں زمزم ابلتے ہیں

    غبار کارواں ہیں وہ نہ پوچھو اضطراب ان کا

    کبھی آگے بھی چلتے ہیں کبھی پیچھے بھی چلتے ہیں

    دلوں کے ناخدا اٹھ کر سنبھالیں کشتیاں اپنی

    بہت سے ایسے طوفاں مظہریؔ کے دل میں پلتے ہیں

    RECITATIONS

    نعمان شوق

    نعمان شوق

    نعمان شوق

    بدل جاتے ہیں دل حالات جب کروٹ بدلتے ہیں نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY