badan ke luqma-e-tar ko haram kar liya hai

badan ke luqma-e-tar ko harām kar liyā hai

ki ḳhvān-e-rūh pe jab se ta'ām kar liyā hai

batāo uḌtī hai bāzār-e-jāñ meñ ḳhaak bahut

batāo kyā hameñ apnā ġhulām kar liyā hai

ye āstāna-e-hasrat hai ham bhī jānte haiñ

diyā jalā diyā hai aur salām kar liyā hai

makāñ ujaaḌ thā aur lā-makāñ kī ḳhvāhish thī

so apne aap se bāhar qayām kar liyā hai

bas ab tamām ho ye vahm-o-e’tibār kā khel

bisāt ulaT dī sabhī saarā kaam kar liyā hai

kisī se ḳhvāhish-e-guftār thī magar 'sāqib'

vufūr-e-shauq meñ ḳhud se kalām kar liyā hai

badan ke luqma-e-tar ko haram kar liya hai

ki KHwan-e-ruh pe jab se ta'am kar liya hai

batao uDti hai bazar-e-jaan mein KHak bahut

batao kya hamein apna ghulam kar liya hai

ye aastana-e-hasrat hai hum bhi jaante hain

diya jala diya hai aur salam kar liya hai

makan ujaD tha aur la-makan ki KHwahish thi

so apne aap se bahar qayam kar liya hai

bas ab tamam ho ye wahm-o-e’tibar ka khel

bisat ulaT di sabhi sara kaam kar liya hai

kisi se KHwahish-e-guftar thi magar 'saqib'

wufur-e-shauq mein KHud se kalam kar liya hai