badan mein dosto jab tak ki jaan baqi hai

badan meñ dosto jab tak ki jaan baaqī hai

qadam qadam pe abhī imtihān baaqī hai

tum apne zulm-o-tashaddud se baaz mat aao

hamāre paas bhī tīr-o-kamān baaqī hai

ham un ko pesh kareñ apnī iltijā kaise

koī salīqa na tarz-e-bayān baaqī hai

kabhī jo zaḳhm mohabbat meñ the diye tum ne

hamāre dil pe usī kā nishān baaqī hai

ye sach hai dard na.e daur meñ har insāñ ko

sukūn-e-dil hai na amn-o-amān baaqī hai

badan mein dosto jab tak ki jaan baqi hai

qadam qadam pe abhi imtihan baqi hai

tum apne zulm-o-tashaddud se baz mat aao

hamare pas bhi tir-o-kaman baqi hai

hum un ko pesh karen apni iltija kaise

koi saliqa na tarz-e-bayan baqi hai

kabhi jo zaKHm mohabbat mein the diye tum ne

hamare dil pe usi ka nishan baqi hai

ye sach hai dard nae daur mein har insan ko

sukun-e-dil hai na amn-o-aman baqi hai