badan mein phul khile dard ne visal kiya

badan meñ phuul khile dard ne visāl kiyā

aziyyatoñ kī mahak ne mujhe nihāl kiyā

charāġh aayā nazar to nazar pighalne lagī

ham ahl-e-chashm ne yuuñ aag kā ḳhayāl kiyā

maiñ chal rahā thā magar saañs ruk ga.ī merī

guzarte vaqt ne aisā ajab savāl kiyā

har ek shaḳhs thā mātam-kunāñ so maiñ ne bhī

udaas rang pahan kar ḳhizāñ ko shaal kiyā

use chhuā to dhanak kī girah khulī aise

nafīs lams ne poroñ meñ intiqāl kiyā

badan mein phul khile dard ne visal kiya

aziyyaton ki mahak ne mujhe nihaal kiya

charagh aaya nazar to nazar pighalne lagi

hum ahl-e-chashm ne yun aag ka KHayal kiya

main chal raha tha magar sans ruk gai meri

guzarte waqt ne aisa ajab sawal kiya

har ek shaKHs tha matam-kunan so main ne bhi

udas rang pahan kar KHizan ko shaal kiya

use chhua to dhanak ki girah khuli aise

nafis lams ne poron mein intiqal kiya