baDe jatan se baDe soch se utara gaya

baḌe jatan se baḌe soch se utārā gayā

mirā sitārā sar-e-ḳhāk bhī sañvārā gayā

mirī vafā ne junūñ kā hisāb denā thā

so aaj mujh ko bayābān se pukārā gayā

bas ek ḳhauf thā zinda tirī judā.ī kā

mirā vo āḳhirī dushman bhī aaj maarā gayā

mujhe yaqīn thā is tajrabe se pahle bhī

sunā hai ġhair se jalva nahīñ sahārā gayā

sajā diyā hai tasavvur ne dhuup kā manzar

agarche barf kī tasvīr se guzārā gayā

milā hai ḳhaak se nisbat kā phir sila mujh ko

mirā hī naam hai gardūñ se jo pukārā gayā

maiñ dekhtā rahā duniyā ko duur se 'sāhil'

mire makān se aage talak kinārā gayā

baDe jatan se baDe soch se utara gaya

mera sitara sar-e-KHak bhi sanwara gaya

meri wafa ne junun ka hisab dena tha

so aaj mujh ko bayaban se pukara gaya

bas ek KHauf tha zinda teri judai ka

mera wo aaKHiri dushman bhi aaj mara gaya

mujhe yaqin tha is tajrabe se pahle bhi

suna hai ghair se jalwa nahin sahaara gaya

saja diya hai tasawwur ne dhup ka manzar

agarche barf ki taswir se guzara gaya

mila hai KHak se nisbat ka phir sila mujh ko

mera hi nam hai gardun se jo pukara gaya

main dekhta raha duniya ko dur se 'sahil'

mere makan se aage talak kinara gaya