baDe kaThin hain sabhi raste mohabbat ke
baḌe kaThin haiñ sabhī rāste mohabbat ke
ki jān-levā haiñ ye hādse mohabbat ke
abhī to thoḌā sā kaaTā hai ye safar ham ne
kahāñ ga.e haiñ tire valvale mohabbat ke
vahāñ vahāñ hī milī haiñ udāsiyāñ ham ko
jahāñ jahāñ se mile tabsire mohabbat ke
hameñ hī raas nahīñ aa.ī hai mohabbat ye
kisī se kyā kareñ shikve-gile mohabbat ke
zarūr maiñ bhī nazar ā.ūñgā sar-e-maqtal
nikal paḌe haiñ agar qāfile mohabbat ke
ye baat sirf kitāboñ talak nahīñ 'hamza'
haqīqatan bhī bane maqbare mohabbat ke
baDe kaThin hain sabhi raste mohabbat ke
ki jaan-lewa hain ye hadse mohabbat ke
abhi to thoDa sa kaTa hai ye safar hum ne
kahan gae hain tere walwale mohabbat ke
wahan wahan hi mili hain udasiyan hum ko
jahan jahan se mile tabsire mohabbat ke
hamein hi ras nahin aai hai mohabbat ye
kisi se kya karen shikwe-gile mohabbat ke
zarur main bhi nazar aaunga sar-e-maqtal
nikal paDe hain agar qafile mohabbat ke
ye baat sirf kitabon talak nahin 'hamza'
haqiqatan bhi bane maqbare mohabbat ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
