baDe yaqin se koi is intizar mein hai

baḌe yaqīn se koī is intizār meñ hai

tirā visāl kā va.ada isī bahār meñ hai

kuchh aur vaqt lagegā zarā to sabr karo

jo tishnagī kā masīhā hai regzār meñ hai

maiñ apne dil ko bachā.ūñ to kis tarah jānāñ

kahāñ bachegā jo terī nazar kī maar meñ hai

har ek shai hai merī justujū ke pahlū meñ

merī hayāt mire hī to iḳhtiyār meñ hai

mirā savāl hai ab mo.ajizoñ ke hone par

ye ḳhaak ab bhī sharāroñ ke intizār meñ hai

bas ek lafz ne taarī kiyā thā vajd koī

ye kā.enāt abhī bhī usī ḳhumār meñ hai

koī to pūchh ke aa.e maqām 'kāfir' kā

suḳhnavaroñ ke qabīle meñ kis shumār meñ hai

baDe yaqin se koi is intizar mein hai

tera visal ka wada isi bahaar mein hai

kuchh aur waqt lagega zara to sabr karo

jo tishnagi ka masiha hai regzar mein hai

main apne dil ko bachaun to kis tarah jaanan

kahan bachega jo teri nazar ki mar mein hai

har ek shai hai meri justuju ke pahlu mein

meri hayat mere hi to iKHtiyar mein hai

mera sawal hai ab moajizon ke hone par

ye KHak ab bhi shararon ke intizar mein hai

bas ek lafz ne tari kiya tha wajd koi

ye kaenat abhi bhi usi KHumar mein hai

koi to puchh ke aae maqam 'kafir' ka

suKHnawaron ke qabile mein kis shumar mein hai