baDh kar kisi se hath milane nahin gae
baDh kar kisi se hath milane nahin gae
Chandrashekhar Pandey Shams
MORE BYChandrashekhar Pandey Shams
baḌh kar kisī se haath milāne nahīñ ga.e
tevar vahī haiñ ab bhī purāne nahīñ ga.e
dālān apnī chhān ke baiThe tamām umr
chakkar kisī mahal kā lagāne nahīñ ga.e
jab bhī ga.e to baiTh ga.e paañv ke tale
ġhalatī se bhī baḌoñ ke sirhāne nahīñ ga.e
mahfil meñ terī shor hai mere hī naam kā
jaane ke baad bhī vo fasāne nahīñ ga.e
apne hunar se 'shams' the jugnū the jo bhī the
photo kisī ke saath khiñchāne nahīñ ga.e
baDh kar kisi se hath milane nahin gae
tewar wahi hain ab bhi purane nahin gae
dalan apni chhan ke baiThe tamam umr
chakkar kisi mahal ka lagane nahin gae
jab bhi gae to baiTh gae panw ke tale
ghalati se bhi baDon ke sirhane nahin gae
mahfil mein teri shor hai mere hi nam ka
jaane ke baad bhi wo fasane nahin gae
apne hunar se 'shams' the jugnu the jo bhi the
photo kisi ke sath khinchane nahin gae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
